15. Juli 2019 – Bericht Stamm Cree (Karuba)
Gester Aabä nachm Znacht u nachm Ämtlä hei mer Grustu (Gruppenstunde, Anm. d. Red.) gha. Ir Grustu heimer über aues möglechä gret. Mir hei 3 Gruppe gmacht. Wöu mir äbe nur 2 Leiter hei, isch 1 Gruppä ällei gsi. Hüt si d Chefs allei gsi und si si i Waud abe gha es Füürli vorbereite. Nach dr Grustu si mir aui zu de Chefs gangä. Dört hei mer dr Lagerpakt gmacht u ds Lagergame (Zorro respektiv Kuno) erklärt / ersteut. När hei mer mit Orangesaft ufs Lager agstossä. När heimer Zedäli fürs Lager-game zogä. Schlussamändlech si mer de när ga «schlafä».
Hüt morgä hei mer aues Morgäfit Fläschäschutä u fläschä Rugby miterä Fläschä vou Rahm gspiut. Usm Rahm isch när Ankä wordä, wo mer zum Zmorgä hei gässä. No schnäu zum Wätter. Es schiffet sit gester Aabä fasch durchgehend. U das närvt üs ä chli.
See you later Alligator from sö patärä
Ligurium (Neiluna & Pachita)
#Schlussamändlech
Kommentar schreiben